♦Téintener Bicherdeeg den 12. an 13. Mäerz

D'♦Téintener Bicherdeeg, organiséiert vun der Elterevereenegung APECTS an Zesummenaarbecht mat der Libo, sinn den 12. an 13. Mäerz am Koschteschbau. E Freideg, den 12. Mäerz, vun 9 bis 12 a vun 13.30 bis 18 Auer ass eng Ausstellung mat Verkaf vu Bicher fir all Alter. Hei fënnt een och wonnerbar Iddië fir Cadeauë fir d’Kommioun. D’Vanessa Staudt liest aus hirem Wierk „Ech si kee béise Wollef“ fir d’Kanner aus dem Précoce an der Spillschoul vir. Fir d’Kanner aus dem 6. Schouljoer ass eng Liesung duerch den Henri Losch aus sengem Wierk „De Geescht aus där aler Brauerei“. E Samschdeg, den 13. Mäerz, vun 10 bis 17 Auer: Ausstellung a Verkaf vu Bicher fir all Alter. Den Entrée ass fräi.